Şaredariya Amûdê projeyên xwe yên havînê eşkere kirin

HÎWA MEHMÛD / QAMIŞLO

Şaredariya Gel a navçeya Amûdê ya girêdayî kantona Qamişlo bi hemû beşên xwe 24 saetan di nava kar û xebatê de ye û xizmeta şêniyên navçeyê dike.

Di vê çarçoveyê de Hevserokê Şaredariya Gel a navçeya Amûdê Emar Hisên ji ajansa me ANHA`yê re axivî.

Emar di axaftina xwe de ev tişt got,"Yek ji projeyên ku em ê pêk bînin rêyên di navbera navçeyê û gundewarên Amûdê de werin sererastkirin û îsfeltkirin. Herwiha hemû pirsigirêkên  kenalîzasiyonên dê werin çareserkirin û bi taybet li gundê Dîkê yê girêdayî navçeya Amûdê wê toreyên kenalîzasiyonê bi buhaya 8 miliyon L.S werin dayîn."

Emar di berdewamiya axaftina xwe de ev tişt anî ziman,"Nêzî 60 ruxstên avakirinê û diyarkirina hejmara qatan hate dayîn. Her kesê ku zagonên şaredariyê pêk neyîne tê cezakirin. Her wiha wê rêgarên bajar werin sererastkirin."

Emar diyar kir ku piştî gazincan şêniyan û bi hatina demsala havînê amadekariyên ji bo veqetandinan cihekî ji bo komkirina çopê têne kirin.

Emar bi lêv kir ku Komîteya Parkan wê daran li geraja navçeyê û parka giştî  biçîne û herwiha wê hemû redîf û qadên bajar werin boyaxkirin." 

Hevserokê Şaredariya Gel a navçeya Amûdê Emar Hisên di dawiya axaftina xwe de da zanîn ku ji bo nexweşî li navçeyê belav nebe xebatkarên beşa tenduristyê  dest bi reşandina dermanên mêşûmûran li hemû navçe û gundewrên wê kirin."

(bx)

ANHA