Navenda 10 hezar hiktar zeviyên Reqa av dide carde ket xizmetê

REQA

Navenda Avdê ya li gundên El-Ednandiye ku deh hezar hiktar zeviên herêmên bakur-rojavayê Reqayê av dide piştî xebatek demdirêj hate temîrkirin û êdî welatî dikarin zeviyên xwe jê av bidin.

Komîteya Avdanê ya Reqayê bi nêzîkbûna dema çandiniya zeviyên demsala havînê re karîbû navenda ku dînemoya li ser bîra El-Hişim bixe xizmetê, îro jî navenda derxistina avê ku avê di riya boriyan re derdora sî metrî radike û dide kenalên reyê. Di riya wan kenalan re derdora deh hezar hiktar zeviyên herêmê têne avdan.

Bi dehan cotkarên herêmê, endamên komîn û melcîsan, her wiha endamên Melcîsa Sivîl a Reqayê beşarî merasîma vekirinê bûn.

Mersîm bi rêzigirtinê destpê kir, paşê li ser navê Komîteya Avdarê ya Reqayê Salih El-Hemîd, li ser navê Melcîsa Gel a Bîr El-Hişem Îsa El-Xabûr, li ser navê Melcîsan Necah El-Hemûd axivîn.

Di axaftinan bi xêrhatina hemû beşdaran hate kirin û hate gotin ku gelê herêmê bi hêza xwe karin gelek pirsgirêkên xwe çareser bikin û avê û ceyranê vegerîn in xaka xwe.

Piştî axaftinan beşdaran xelekên govendê gerandin û ji ber vegera avê kêfxweşiya xwe anîn ziman.

 (dc)

ANHA