Ji Newroza Şamê peyama piştgiriya bi Berxwedana Serdemê re

ŞAM – Newroz 2018`an li qada taxa Zorava ya payetexa Sûriyê Şamê duh bi dirûşmeya "Bi ruhê Newrozê em  berxwedanê bilind bikin û li Efrînê biser bikevin" Newroz hate organîzekirin. Qada Newrozê bi wêneyên Rêberê Gelê Kurd Abdullah Ocalan û wêneyên şehîdên Berxwedana Serdemê û alên Kurdî hate xemilandin.

Newroz bi sirûda "Ey Reqîb" hate destpêkirin.

Paşê dayikên şehîdan agirê Newrozê di nava dirûşme û tilîliyan de vêxistin.

Paşê, bi navê Tevgera Civaka Demokrtîk (TEV-DEM), Kongreya Star, Meclîsa Taxa Zorava, Meclîsa Malbatên Şehîdan a Şamê axaftin hatin kirin. Di axaftinan de, Newroza sala 2018`an li Ocalan û tevahî gelan hatin pîrozkirin. Her wiha di axaftinan de hate destnîşankirin ku roja 21`ê Adarê hemû gelê azadîxwaz li hember zilm û desthilatdariyê bi ser ketin.

Axaftivanan tekez kirin ku Newroza 2018`an Newroza yekîtî û piştgiriya bi berxwedana Efrînê re ye û her wiha destekdayîna bi gelê Efrînê re ye. Her wiha hate gotin ku gelê Efrînê wê li hember êrîşên artêşa Tirk a dagirker û çeteyên wê tekoşîn û berxwedana xwe zêde bikin ta ku çeteyên dagirker ji Rojava û hemû Kurdistanê û bi taybet ji Efrînê derkevin.

Ji aliyekî din ve bêdengiay navdewletî li hember êrîşên artêşa Tirk a dagirker û çeteyên wê li ser herêma Efrînê şermezar di nava axaftinan de hate şermezarkirin.

Piştî axaftinan koma Şehîd Serhed şano li ser komkujiyên artêşa Tirk a dagirker û çeteyên wê li ser zarok û jinên Efrînê pêşberî çavên cîhanê pêk tîne, şanoyeke pêşkêş kirin.

Her wiha li ser berxwedana Efrînê û helewestên civaka navdewletî helbest hatin gotin.

Newroz  bi dirûşmeyên silavkirina Berxwedana Serdemê bidawî bû.

(bx)

ANHA