ʹBi giyanê Newrozê bexwedana Efrînê geş bikinʹ
Di Newroza Mexmûrê de (Kampa Şehîd Rustem Cudî) berxwedana Efrînê hate silavkirin.
NAVENDA NÛÇEYAN - Di Newroza Mexmûrê de (Kampa Şehîd Rustem Cudî) berxwedana Efrînê hate silavkirin.
Li Kampa Şehîd Rustem Cûdî bi şîara ‘Em bi giyanê Newrozê berxwedanê geş bikin û li Efrînê serfiraziyê bi dest bixînin” Newroz hate pîrozkirin.
Li qada Newrozê posterên Rêberê Gelê Kurd Abdullah Ocalan, damezirînera PKK’ê Sakine Cansiz, şehîdên Têkoşîna Azadiyê ya Kurdistanê hatin vekirin û alayên PKK, HPG, YJA-Star, YPG, YPJ, KCK, KJK’ê hatin hildan. Di çalakiyê de posterê mezin ê Mazlûm Doğan jî hate vekirin.
Ji gelek bajarên Başûrê Kurdistanê û ji parçeyên din ên Kurdistanê bi sedan mêvan beşdar bûn.
Hevserokê Meclîsa Gel ê Mexmûrê Hüseyin Kara di Newrozê de axivî û bal kişand ser Berxwedana Serdemê ya li Efrînê. Kara got ku, “Li Efrînê qonaxa pêşîn a berxwedanê bi dawî bû. Divê Erdoğan baş bizanibe, ew ê aqûbeta wî bibe wekî ya Hitler û Saddam. Ew ê serfirazî ya gelê Kurd û Têkoşîna Azadiyê ya Kurdistanê be.”
Newroz bi derketina ser dikê ya hunermenda re domiya.
