Xelkê Dêrazorê bi meşekê daxwaza azadiya Rêber Apo kir

Meclisa Malbatên Şehîdan a kantona Dêrazorê bi armanca daxwaza azadiya fîzîkî ya Rêber Abdullah Ocalan meşek li dar xist. Di meşê de şêniyên kantonê, endamên deste û komîteyên Meclisa Rêveber a kantonê, Meclisa Kombûna Jinan a Zenûbiya, Meclisa Malbatên Şehîdan û Hêzên Ewlekariya Hundirîn amade bûn. Şêniyan pankartên "Azadiya Rêber Ocalan misogeriya aştiya li Rojhilata Navîn e", "Bi yekitiya gelan em ê li hember faşîsta Tirk li ber xwe bidin û Rêber Ocalan rizgar bikin" û"Bê Serok Jiyan Nabe" hildan.

Meş ji Çerxerêya Helebiye yê gundê Salihiyê dest pê kir û heta bi Şitilgeha Çandiniyê ya li gundê Hesîniyê çû. Li wir endama Meclisa Malbatên Şehîdan a kantonê Reşa Îbrahîm got tecrîda li ser Rêber Abdullah Ocalan ne tenê li dijî kesayeta wî ye, lê li dijî projeya wî ya fikrî û siyasî ya xwedî çareseriyên ji pirsgirêkên Rojhilata Navîn re ye."

Reşa got: "Ev siyaset ji bo bêdengkirina dengê banga aştî û edaletê dike ye."

Bi navê Desteya Tenduristiyê ya kantonê jî Dr. Mehdiye El Nasir bang li Rêxistina Efûyê ya Navneteweyî (Amnesty) û Meclisa Mafên Mirovan kir ku destwerdana lezgîn di dosa Rêber Abdullah Ocalan de bikin û got: "Pêdiviya qonaxê bi biryarên wêrek û berpirsiyariya dîrokî heye."

Mehdiye El Nasir got Rêber Abdullah Ocalan di banga xwe ya dawîn de bi zelalî banga aştî û çareseriya demokratîk kir, rêya yekane ya bidawîkirina alozî û pêkanîna îstîqrarê ye.

Meş bi diruşmên "Bê Serok Jiyan Nabe" bi dawî bû.

(mh/fr)

ANHA