Di roja komînê de serdan, xwendin û paqijî

Di çarçoveya “Roja Komînê” de îro jî li Hesekê, Amûdê û Çilaxa paraznameyên Rêber Abdullah Ocalan hatin xwendin, serdana malan û paqijî hat kirin.

ROJANE

12 tîrmeh, 2025 13:35

NAVENDA NÛÇAYAN

Meclisa Gelan a Demokratîk a Bakûr û Rojhilatê Suriyeyê di 28ˊê Hezîrana 2025ˊan de, bi mijara komîn û meclisan civîn çêkiribû û biryara ji nû ve avakirin û bihêzkirina komîn û meclisan girtibû. Her wiha roja pêncşemê wekî roja paqijiyê, roja şemiyê jî weke roja komînan hat îlankirin û biryar hat dayîn ku hemû rêveber û endamên saziyên Rêveberiya Xweser jî tevlî van xebatan bibin.

Piştî biryaran li tevahiya herêmê dest bi xebatan hat kirin.

Di çarçoveya xebatên roja komînê de îro li bajarên Hesekê, Amûdê û Çilaxa bername hebûn.

Rêveber û welatiyên ku li komînên Çilaxa hatin cem hev, paraznameyên Rêber Abdullah Ocalan xwendin û nirxandin kirin. Hinek komînan jî li navendan bajar û parkan paqijî kirin.

Li bajarê Amûdê rêveber û endamên komînan serdana malan kirin û pirsgirêkên wan guhdar kirin, li ser geşedanan gotûbêj meşandin.

Li komînên bajarê Hesekê jî, bi beşdariya welatiyan, rêveber û endamên saziyan der barê pirsgirêkên taxan ên xizmetguzarî û civakî de nîqaş hatin meşandin.

Li bajarê Dirbêsiyê yê kantona Cizîrê jî endamên komînê, rêveber û endamên saziyan pirsgirêkên taxan ên xizmetguzarî û civakî nîqaş kirin.

(a)

ANHA

Dirbêsiyê

ÇIL AXA

Hesekê

AMÛDÊ