Tîma Gundik Seyid bû şampiyona dewreya şehîd Zeyneb û Mizgîn

Di maça dawî ya navbera tîma Gundik Seyid û tîma Newroz de, tîma Gundik Seyid bi ser ket û bû şampiyona turnuvaya dewreya şehîd Zeyneb û Mizgîn.

ROJANE

24 îlon, 2024 21:45

QAMIŞLO

Turnuvaya futbolê ya dewreya şehîd Zeyneb û Mizgîn ku ji aliyê ciwanên Partiya Yekitiya Demokratîk (PYD) ve berî 20 rojan hatibû lidarxistin, bi dawî bû.

Di turnuvayê de 19 tîm beşdar bûn. Maça dawîn di navbera tîma Gundik Seyid û tîma Newroz de li yarîgeha gundê Girkê Xilo bû. Tîma Gundik Seyid bi encama (1-0) bi ser ket û bû şampiyonê turnuvayê.

Di maçê de bi dehan alîgir, malbatên herdu şehîdan Zeyneb û Mizgîn, nûnerên saziyên sivîl, malbatên şehîdan, Meclisa bajarê Çilaxa û Tevgera Ciwanên Şoreşger beşdar bûn.

Komîteya Amadekar lîstikvanên maça dawîn û rêveberên turnuvayê xelat kirin.

Hêjayî bibîrxistinê ye ku endama Hêzên Ewlekariya Hundirîn şehîd Zeyneb Ebdullah di 2017'an de di dema pêkanîna erkê xwe de li Girkê Legê şehîd bû. Gerîlaya Hêzên Parastina Gel (HPG) Mizgîn (Ebla Remo) di 1998'an de li herêmeke Bakurê Kurdistanê şehîd bû.

(mh)