Şîret û rêbazên parastina berheman ji qeşayê

Di rojên pêşiya me de pêleke sermayê ya tund heye ku dibe ku bi xwe re qeşayê bîne. Ev jî, ji bo berhemên çandiniyê, bi taybetî sebze û şitilên biçûk û hin cûreyên din metirsî ye û dibe ku zirarên mezin bigihîne wan berheman.

Ji bo ku cotkar berhemên xwe ji qeşayê biparêzin Komîteya Çandinî û Sewalvaniyê ya kantona Cizîrê li ser malpera xwe ya fermî hin şîret û rêbazên parastina berheman, ji cotkaran re pêşniyar, kirin.

Rêbaz û şîretên komîteyê kirine ev in:

- Parastina sera (malikên blastîkî) û tunelên çandiniyê bi girtina wan bi rêkûpêk ji bo kêmkirina windabûna germê.

- ji bo parastina berheman di hundirê sera û tunelan de du tebeqên îzolasyonê (naylon û caw) bi kar bînin.

- Ji bo xweragiriya nebatan li hember sermayê xurt bibe, silikat potasyom û asîdên amînî bireşîne.

- Beriya pêla qeşayê bala xwe bidin reşandina fosfor, potasyûm û hêmanên din ên semadê.

- Di heyama qeşayê de, ji bo ku nebat lawaz nebin, dermanan nereşînin.

- Beriya destpêkirina qeşayê divê rêjeya avdanê were kêmkirin, ji ber ku şilbûna zêde xeteriya qeşabûnê zêde dike.

- Nebatên di qutîk an jî hawizan de hatine çandin biguhêzin cihê germ dûrî qeşayê.

- ji bo îzolekirina rihan û parastina wan, bi rêya bikaranîna tiraşa darê, sap, heriya di nav de pel hene, yan jî pûşên daran, axê li dora nebatan bidin hev.

(mh/fr)