Sererastkirina Baxçeyê Giştî bi dawî dibe

Tevgera Çand û Hunera Demokratîk a Mezepotamyayê (TEV-ÇAND) bi hevkariya Şaredariya Gel a Bajarê Qamişloyê û 2 aliyên dîtir Îlona 2025`an li Baxçeyê Giştî yê li navenda Qamişloyê dest bi sererastkirinê kiribû.

Ji ber êrişên komên hikumeta demkî ya Sûriyeyê yên li dijî herêmên Bakur û Rojhilatê Sûriyeyê û derketina rewşa seferberiyê, xebatên sererastkirinê 5 mehan rawestiyan.

Careke din di Gulanê de dest bi domandina xebatên nûkirinê hate kirin.

Ji Gulanê heta niha gelek komên axê ji bo daran ji bo ku erda baxçeyê pê rast bikin, derbasî baxçe kirine, dest bi kişandina xeta avê û kehrebeyê hatiye kirin. Kursiyên ji bo rûniştinê hatine çaksazkirin û ew ê bên zêdekirin.

Heta niha 350 şitilên daran hatine danîn, wê di demên pêş de anku piştî temamkirina sîstema belavkirina avê, 500 şitilên din jî biçînin.

Li gorî agahiyên ku yek ji berpirsyarên sererastkirina baxçe dane me, xebatên çêkirina baxçe dê heta 15`ê Tîrmehê (2026) bi dawî bibin. Heta niha 120 hezar dolar mesref lê hatiye kirin.

Beriya niha ku me di nûçeyên xwe de jî ragihandibû, dê navê baxçe ji “Baxçeyê Giştî” bibûya “Baxçeyê Çand û Hunerê”, lê ji ber derketina nerînên cuda dê navê baxçe wekî xwe bimîne. Navê kafeteryaya di nava baxçe de jî ji “Avesta” bûye “Sîmûrg”.

ANHA