Serçeteyekî Sultan Murad li Hewlêrê ye

Li gorî agahiyan, bajarên Başûrê Kurdistanê yên di bin kontrola malbata Barzanî de veguherîne navendên kombûna kujerên Kurdan. Li Hewlêrê serçete û nûnerê koma çeteyan a bi navê Sultan Murad, hate pêşwazîkirin. Van çeteyan gelek sûc li dijî Kurdên Bakur û Rojhilatê Sûriyeyê kirine. 

Di heman demê de hin navend veguherîne amûrên çewisandin û bêdengkirina kurdistaniyan. Dema ku ew çete li Hewlêrê tên pêşwazîkirin, desthilata Başûrê Kurdistanê girtina rojnamevan Silêman Ehmed û gelek rojnamevan û çalakvanên siyasî yên Kurd didomîne.

Encumena Nîştimanî ya Kurd li Sûriyeyê (ENKS) di çarçoveya "hevdîtinên şêwiriyê yên desteya dan û standinan" de li Hewlêrê "serokê desteya dan û standinan" Bedir Camûs û nûnerê çeteyên "Sultan Murad" Ehmed Osman pêşwazî kirin.

Hemwextî hevdîtinê, dewleta Tirk a dagirker û çeteyên wê êrişên xwe li dijî herêmên Bakur û Rojhilatê Sûriyeyê didomînin. Di encamê de zêdetirî 30 navendên stratejîk, rawestiyan û 17 kes şehîd bûn û 65 kes jî birîndar bûn.

Ev ne cara yekê ye ku desthilata Başûr û li bajarên di bin destê malbata Barzanî de, wan çeteyan pêşwazî dikin. Di çend salên dawîn de serokê Partiya Demokrat a Kurdistanê (PDK) Mesûd Barzanî serokê îtîlafê yê wê demê Xalid Xoce û Nesir El Herîrî pêşwazî kirin.

Li gorî gelek aliyên siyasî û çavdêrên kar û barên Kurdistanê, ev helwest êşa gelê Kurd paşguh dike û êrişên dewleta Tirk û sûcên çeteyên wê yên Sultan Murad li Efrîna dagirkirî rewa dike.

(şx/k)

ANHA