Gelê kantona Firatê sersaxî da malbata şehîd Tolîn

Di 27`ê Cotmehê de di êrişa dewleta Tirk a dagirker de, şervana Yekîneyên Parastina Jin (YPJ) Tolîn Pelşîn Baz şehîd bûbû. Duh şehîd Tolîn bi merasîmeke girseyî hate veşartin.

Îro endamên sazî û dezgehên Rêveberiya Xweser û gelê kantona Firatê sersaxî da malbata şehîd Tolîn Pelşîn Baz. Piştî ku girseya gel gihaşt konê sersaxiyê, endama Meclisa Malbatên Şehîdan a Kantona Firatê Necmê Kinco axivî.

Necmê Kinco got dê bi hêza xwe dewleta Tirk a dagirker têk bibin û wiha domand: “Em ê zarokên xwe bi rêxistin bikin û bila berxwedanê li çeperên şer bikin. Rast e Tolîn çû lê dê bi hezaran Tolîn jî rabin ser pêyan, ew jî bi fikra Rêber Apo ye û xeta şehîdan e.”

Hevserokê Desteya Jîngehê ya Kantona Firatê Arif Balî jî got: “Têkoşîneke demdirêj wek gelê Kurd û PKK`ê li her çar parçeyên Kurdistanê ji bo hemû gelan û ji bo avakirina kurdistaneke azad li ber xwe didin. Em jî wek gel li vir berxwedana xwe didomînin û em ê bi hêza xwe li ber xwe bidin.”

Bavê şehîd Tolîn Elî Ehmed jî got: “Dema zarokê me jî bibe em ê di guhê wî de bang bikin û bêjin bijî Serok Apo û em ê li ser wî esasî li ber xwe bidin."

(EKÎP)

ANHA