Şêniyên herêma Cizîrê ji bo daxwaza perwerdeya kurdî berê xwe dane Qamişloyê

Bi sedan şêniyên ji bajar û bajarokên cuda yên herêma Cizîrê, ji bo tevlêbûna çalakiya redkirina biryara Wezareta Perwerde û Fêrkirinê ya hikumeta veguhêz a ji bo kêmkirina asta perwerdeya bi zimanê kurdî, daxwaza perwerdeya bi zimanê kurdî û misogerkirina mafê perwerdeya bi zimanê dayikê, berê xwe dane bajarê Qamişlo.

ROJANE

22 îlon, 2026 11:53

QAMIŞLO

Şêniyên herêma Cizîrê ji bo beşdariya çalakiya di bin dirûşma “Zimanê me nasnameya me ye” ya ku ji hêla Înîsiyatîfa Gelêrî li pêşiya Stadyuma Şehîdên 12`ê Adarê ya li bajarê Qamişlo hatiye orgenîzekirin, berê xwe dane Qamişloyê.

Şêniyên Dêrikê, Amûdê, Dirbêsiyê, Çilaxa, Til Temir, Tirbespiyê, Girkê Legê, Qamişlo û Hesekê, bi rakirina sembol û alên kurdî ji bo tevlêbûna çalakiyê berê xwe dane cihê çalakiyê, di çalakiyê de wê şênî biryara Wezareta Perwerde û Fêrkirinaê ya hikumeta veguhêz red bikin û dawaza berfirehkirina perwerdeya bi zimanê kurdî bikin.

Ev çalakiyê wekî bertek li hemberî biryara “964/2068” a ku 27`ê Tebaxê ji bo dayîna tenê çend saetên dersên zimanê kurdî di dibistanan de tê lidarxistin, ji wê demê ve li herêmê çalakî didomin.

(sb)

ANHA