Şêniyên Dêr Hafir û Meskeneyê: QSD`ê misogerê ewlehiyê û îstiqrarê ye

Nivîsgeha Têkiliyan a Hêzên Ewlekariya Hundirîn û Hêxên Sûriya Demokratîk (QSD) bi şêniyên bajarê Dêr Hafir re yê rojavayê kantona Tebqayê civiyan, geşedanên dawîn şîrove kirin û li daxwazên şêniyan guhdar kirin. 

Civîn li Navenda Çandê ya bajarê Dêr Hafirê hate lidarxistin. Şêniyên bajarên Meskene û Dêr Hafirê, rûspiyên êlan, nûnerên hêzên leşkerî, ewlehiyê, Meclisa Olî û Hevgirtina Al El Beyt a kantona Tebqayê tev li civînê bûn.

Cîgirê hevserokatiya Meclisa Rêveber a Herêma Bakur û Rojhilatê Sûriyeyê Hesen Koçer axivî û got yekitiya axa Sûriyeyê gelek girîng e û ew tevahî komployên parçekirinê û taîfiyetê red dikin.

Koçer diyar kir ku QSD pabendî lihevkirina 10`ê Adarê ye ruxmî ku hikumeta veguhêz tu gaveke cidî di vî warî de navêje. Koçer destnîşan kir ku diyaloga sûriyeyî-sûriyeyî ya bê destwerdana derve girîn ge û hişyarî da ku gelek alî li ser hesabê yekitiya Sûriyeyê hewl didin fîtneyê derxin.

Dûre rûspiyê Êla El Hededîn Fewaz El Wesmî bi navê şêniyên bajarên Dêr Hafir û Meskeneyê daxuyaniyek xwend û tê de sûcên komên derveyî kontrolê yên li dijî êlên herêmê kirine, şermezar kir û got: “Ev kiryar, tenê xizmeta berjewendiyên dijminên Sûriyeyê dike, tevliheviyê diafrîne, rê li pêşiya terorê vedike. QSD`ê hêzeke nîştimanî ye. Ciwanên vê axê stûnên wê ne. Ala parastina gelê Sûriyeyê hilda. Em heta dawiyê pê re ne.”

Di dawiya daxuyaniyê de El Wesmî bang li êlên herêmê ki ku xwedî li QSD`ê derkevin, piştgiriya wî di aliyê manewî û madî bikin, lewma misogerê sereke ya ewlehiyê ye, projeyên parçekirinê, hewldanên afirandina tevliheviyê û rijandina xwînê, şermezar kirin.

Piştre li daxwazên şêniyan hate guhdarkirin.

(şx)

ANHA