Şêniyan xwest hesab ji êrişkarên li Dêrazorê bê pirsîn
Şêniyên bajarê Şedadê êrişên li ser kantona Dêrazorê şermezar kirin û got divê hesab ji êrişkaran bê pirsîn.
![Şêniyan xwest hesab ji êrişkarên li Dêrazorê bê pirsîn](https://hawarnews.com/kr/uploads/images/202408/image_870x_66bf9d3e345cd.jpg)
Şêniyên bajarê Şedadê yê kantona Cizîrê der barê êrişên komên girêdayî hikumeta Şamê û çekdarên Dîfa El Wetenî yên li ser kantona Dêrazorê de nêrînên xwe parve kirin.
Emanî El Xelef êrişên komên girêdayî hikumeta Şamê û çekdarên Dîfa El Wetenî yên li ser Dêrazorê şermezar kirin û diyar kir ku hedefkirina sivîlan û mal û milkên wan sûc e. Emanî xwest ku hesab ji êrişkar û sûcdaran bêpirsîn.
Ziyab Ziyab destnîşan kir ku armanca hêzên hikumeta Şamê û çekdarên Dîfa El Wetenî ji êrişên li ser Dêrazorê ew e ku şêniyan neçar bikin dest ji hêzên xwe yên leşkerî û Rêveberiya Xweser berdin.
Ziyab Ziyab anî ziman ku ew dest ji QSD û Rêveberiya Xweser bernadin û got hedefkirina sivîlan û milkên wan sûc e, divê hesab ji hikumeta Şamê bê pirsîn.
Her wiha Eymen El Hemûd jî anî ziman ku êriş û topbaran sûc in û got divê sûcdar û êrişkar ji ceza nefilitin û divê piştgiriya QSD’ê bê kirin.
Eymen El Hemûd diyar kir ku hikumeta Şamê di vebijêrka leşkerî de bi israr e û bang kir ku divê êrişên ku hêzên hikumeta Şamê û çekdarên Dîfa El Wetenî li dijî welatiyan kirine wek sûc bên dîtin.
(bb)
ANHA