Şehîd Zelal Zagros li ser gora xwe hate bibîranîn

Têkoşer, şoreşger û pêşenga jinên Kurd Zelal Zagros (Firyal Xalid) di salvegera şehadeta xwe ya yekemîn de ,li ser gora xwe hat bibîranîn.

ROJANE

18 ÇILE, 2025 17:55

HASEKÊ

Têkoşer, şoreşger û pêşenga jinên Kurd Zelal Zargos (Firyal Xalid) dema ji bo hevdîtina li gel rêxistinên jinan çûbû Başûrê Kurdistanê, 18ˈê Çileya 2024ˈan di êrişeke suîqastê ya îstîxbarata dewleta Tirk a dagirker de hatibû qetilkirin.

Şehîd Zelal Zagros îro ji aliyê malbata xwe ve li Goristana Şehîd Dijwar a gundê Dawûdiyê yê girêdayî bajarê Hesekê li ser gora xwe hat bibîranîn.

Di bîranînê de endama Meclisa Kongra Star a bajarê Hesekê Cîhan Xalid axivî.

Cîhan Xalid da zanîn ku dîroka jiyana şehîd Zelal mîna ya Sakîne, Fîdan û Leylayan e û destnîşan kir ku ne pênûs, ne jî pirtûk dikarin heqîqeta jiyana wê biteyîsînin.

Cîhan Xalid di berdewama axafttina xwe de bal kişand ser êrişên dewleta Tirk a dagirker û çeteyên wê û diyar kir ku îro jî, li dijî gel êrişên hovane hatin kirin, di encamê de şehîd û birîndar çêbûn.

Cîhan Xalid di dawiya axaftina xwe de got: “Wê dijmin tu carî negihîje armancên xwe, yên ku bighîjin armancên xwe, fikir û felsefeya van şehîdan in. Heya damarê canê me lêbixe em ê li pey şehîdên xwe bin."

(bm/fr)

ANHA