Şandeyek Rêveberiya Xweser operasyona li Holê şopand

Şandeyek Rêveberiya Xweser di serdana xwe ya kampa Holê de girîngiya Operasyona Mirovî û Ewlehiyê di mîsogerkirina ewlehiya kampê û parastina niştecihên de vegot.

ROJANE

6 îlon, 2025 12:58

HESEKÊ

Operasyona Mirovî û Ewlehiyê ya li kampa Holê ku ji aliyê Hêzên Ewlekariya Hundirîn, Hêzê Ewlekariya Hundirîn –Jin, Yekîneyên Parastina Jin (YPJ) ve bi desteka Hêzên Sûriyeya Demokratîk (QSD) û Koaslîyona Navneteweyî hatiye destpêkirin, di roja duyemîn de berdewam dike.

Şandeyek ji Rêveberiya Xweseriya Demokratîk bi armanca şopandina operasyonê serdana kampê kir.

Şandeya Rêveberiya Xweser ji serokê Nivîsgeha Kar û Barên Koçber û Penaberan a Herêma Bakur û Rojhilatê Sûriyeyê Şêxmûs Ehmed, hevserokên Desteya Kar û Barên Civakî û Kedkaran a Kantona Cizîrê Zehra Semio û Ubeyda El Zobai û cîgirê wan Mehmûd Mihemed pêk hat.

Fermandarên operasyonê rêveçûna operasyonê ji şandeyê re şîrove kir. Endamên şandeyê jî girîngiya operasyonê di mîsogerkirina ewlahiyê û parastina koçberan de vegot. Her wiha diyar kir ku dê ji bo dabînkirina pêdiviyên mirovî û başkirina mercên jiyanî li kampê piştgiriyê bidomînin.

(bb)

ANHA