ROJEVA NAVENDA NÛÇEYAN A 13-12-2024

Xelkê bajarên Til Temir û Til Birakê yên kantona Cizîrê êrişên li dijî Herêma Bakur û Rojhilatê Sûriyeyê şermezar kirin û diyar kir ku helwesta hêzên navneteweyî li hember komkujiyên dagirkeriyê rewşê aloztir dike.

Tundî û polîtîkeyên li dijî jinan zêde dibin. Dewleta Tirk a dagirker û çeteyên wê di êrişên xwe yên çend rojên dawîn ên yên li ser Herêma Bakur û Rojhilatê Sûriyeyê de 3 endamên Kombûna Jinan a Zenûbiya qetil kirin.

Mihemed Hecî Şêxo trajediya malbata xwe piştî cara duyemîn koçber bûn, vegot.  Şêxo got di komkujiya ku dewleta Tirk a dagirker û çeteyên wê li Til Rifetê pêk aniye de hevjîna wî şehîd bû.

Şêniyên li Herêma Bakur û Rojhilatê Sûriyeyê diyar kirin ku dewleta Tirk a dagirker bi êrişên xwe hewl dide herêmê dagir bike û demografiya wê biguhere. Şêniyan li dijî êrişan girîngiya berxwedana gel destnîşan kir. Her wiha bang li hêzên navneteweyî kir ku erkên xwe bi cih bînin.

Rejîma Baasê hilweşiya û li dû xwe jî siberojeke wekî xwe aloz hişt. Welatekî şewitî û hilweşandî, girseyên gel li her dera cîhanê belav bûne, nifşên siberoja wan tarîbûyî û bê guman bi sed hezaran mirî û birîndar. Partiya Baasê bi dirûşma 'azadî-sosyalîzm' dest bi kar kir, lê bi teror, zext, îşkence û zordariya li ser gel, 61 salan li ser desthilatdariyê ma. Girseyên gel ên bihêrs, tevî ku di gorê de bû jî, ji Hafiz Esed hesab pirsî. Gora wî dan ber agir û rejîma wî ya despotîk hilweşandin. Nexşe li serê netewedewletên din be!