Rêveberiya Xweser serdana komîteyên parastinê li Girkê Legê kir

Şandeyeke Rêveberiya Xweser a kantona Cizîrê serdana komîteyên parastinê yên komînên bajarê Girkê Legê kir û keda wan a parastina taxan û piştgiriya Hêzên Ewlekariya Hundirîn silav kir.

4 tîrmeh, 2025 00:02

NAVENDA NÛÇEYAN

Şandeya Rêveberiya Xweser a kantona Cizîrê ya ji hevserokê Meclisa Rêveber a Rêveberiya Xweser a kantonê Şêrwan Mihemed û hevserokê Desteya Enerjiyê Ekrem Silêman pêk tê, serdana endamên komîteyên parastinê yên komînan kir.

Şandeyê li hûrgiliyên makanîzmaya xebata komîteyan û zehmetiyên wan ên rojane guhdarî kir.

Endamên şandeyê girîngî da rola komîteyên parastinê ku ew beşek bingehîn a rêxistinbûyîna ewlehiya civakî ne û got divê koordînaya hevbeş di navbera wan û Hêzên Ewlekariya Hundirîn de were xurtkirin.

Endamên komîteyên parastinê jî, spasiya şandeyê li ser serdanê kir û diyar kir ku ew di erkên xwe yên berevanî û exlaqî de ji bo parastina civaka xwe û xebata bi ruhê dilxwazî û berpirsiyariyê, dewam dikin.

Ev serdan, di çarçoveya hewlên Rêveberiya Xweser ên xurtkirina têkiliyên civakî û şopandina rewşa parastin û ewlehiyê li tevahî herêmên Bakur û Rojhilatê Sûriyeyê de, pêk tê.

(mh/fr)