Orkestra Rojava şevbuhêrkeke hunerî li Tebqayê organize kir
Orkestra Rojava û Desteya Çand û Hunera kantona Tebqayê şevbuhêrkeke hunerî li dar xist.
Di şevbuhêrkê de bi dehan şêniyên kantonê, nûnerên Rêveberiya Xweseriya Demokratîk, deste û meclisên wê û Partiya Sûriya Pêşerojê beşdar bûn.
Orkestra ku ji 27 muzîkjenan û 4 mamosteyên awazên mûzîkê pêk tê parçeyên muzîkê yên klasîkî (vals) û parçeyên muzîkê yên (Inte Umrî) ya Um Keltûm, awaza (Fî Întîzarek), awaza (Emda), awaza (Xezalê) ya Şivan Perwer, awaza (Hilwa ye Beledî) û ya (Katyûşa) pêşkêş kirin.
Her wiha 2 stranên bi zimanên Kurdî û Erebî jî hatin pêşkêşkirin.
Di dawiya şevbuhêrkê de hevserokê Desteya Çand û Hunerê ya kantonê Elî El Elaya Orkestra Rojava xelat kir.
(mh)
ANHA
