Navenda Cemîl Horo şehîd Yekta Herekol bi bîr anî

Bi boneya Roja Şano ya Cîhanê, hunermendên Navenda Cemîl Horor ya Çand û Hunerê ya bajarê Helebê çalakiyeke bibîranînê li dar xist. Di çalakiya bîranînê de hunermendan diyar kir ku çalakiya fedaî ya şehîd Yekta ya li dijî desthilat û dagirkerên Kurdistanê şoreşek bû û yek ji qonaxên girîng di dîroka gelê Kurd û tevgera azadiya Kurdistanê de bû.

Di çalakiyê de endamên navendê, nûnerên partiyên siyasî û saziyên sivîl beşdar bûn.

Endama Navenda Cemîl Horo ya Çand û Hunerê Bêrîvan Dodex di çalakiyê de axivî û şehîd Yekta Herekol bi bîr anî û got: "Çalakiya fedaî ya şehîd Yekta Herekol peyamek kûr e û derbeyek li dijî desthilat û zordaran e. Bi wê çalakiyê serketina vîna gelan li dijî hêzên tarî hat îsbatkirin."

Dûre sînevîzyon li ser qonaxên têkoşîna şehîd Yekta Herekol hat pêşandan.

Piştre welatiyê bi navê Zekî Osman û dayika gerîla Sîpan Xelat û rêvebera Komîteya Dayikên Gerîla Fatme Hesen ên ku şehîd Yekta Herekol li Heleb dîtine û pê re demekê mane axivî. Her duyan bal kişand ser çalakiya wî ya fedaî û diyar kir ku şehîd Yekta di oxira parastina gel, xak û doza xwe de canê xwe da.

Dûre şanoyek li ser rewşa gelê Kurd, çewisandin

Paşê li ser rastiya gelê Kurd û zulma li dijî wî, derketina kesayetên bibandor di civaka Kurd de û derketina tevgera azadiya Kurdistanê, hat pêşkêşkirin.

Şehîd Yekta Herekol (Erdogan Qehreman) şanogerê Kurd e, di Adara 1968’an de li Hozatê yê Bakurê Kurdistanê hate dinê, Komkujiya Dêrsim û Serhildana Qamişloyê jiyaye. Di 27’ê Adara 2004’an de, piştî ku li qada Seedullah El Cabirî ya bajarê Helebê agir berda canê de, şehîd bû û li pey xwe mîraseke dewlemend ji hunera şoreşgerî hişt.

(fr)

ANHA