Mezlûm Ebdî û Nêçîrvan Barzanî civiyan

Şêwirmendê serokkomariya Sûriyeyê Mazlûm Ebdî bi serokê Herêma Kurdistanê Nêçîrvan Barzanî re civiya. Serokatiya Herêma Kurdistanê li ser civînê daxuyaniyek belav kir.

13 cotmeh, 2026 11:11

NAVENDA NÛÇEYAN

Şêwirmendê serokkomariya Sûriyeyê Mazlûm Ebdî bi serokê Herêma Kurdistanê Nêçîrvan Barzanî re civiya. Der barê civînê de Serokatiya Herêma Kurdistanê daxuyaniyek belav kir.

Li gorî daxuyaniya Serokatiya Herêma Kurdistanê, rewşa giştî ya Sûriyeyê, rewşa Rojava û pêşketinên dawîn ên li herêmê hatine nirxandin.

Her du aliyan jî tekezî li ser girîngiya parastina aramî û ewlêhiyê kir.

Di daxuyaniyê de hat destnîşankirin ku Nêçîrvan Barzanî gotiye "Herêma Kurdistanê piştgiriyê dide Sûriyeyeke aram û ewle ku mafên Kurdan û hemû pêkhateyan tê de parastî bin."

Nêçîrvan Barzanî her wiha bal kişand ser girîngiya bipêşxistina pêwendî û hevkariya Iraq û Herêma Kurdistanê yên bi Sûriyeyê re.

Serokatiya Herêma Kurdistanê diyar kir ku Mezlûm Ebdî jî ji ber helwest û piştgiriya wî ya berdewam a ji bo mafên Kurdan û hewldanên wî yên ji bo aştiyê spasiya Nêçîrvan Barzanî kiriye.