Li Til Birakê panelek li ser rola jinan hat dayîn

Meclisa Jinan a Partiya Yekitiya Demokratîk (PYD) paneleke diyalogê bi navê "Rola jinan di qonaxa aştî û civaka demokratîk de" li hola nivîsgeha PYD'ê ya bajarê Til Birak ê kantona Cizîrê li dar xist.

Di panelê de jinên bajêr û endamên saziyên sivîl û partiyên siyasî beşdar bûn.

Di panelê de 2 mijarên sereke hatin nîqaşkirin. Mijara yekê ya li ser rola jinan di avakirina civaka komînal de ji aliyê rêvebera Komîteya Têkiliyên Dîplomasî ya Meclisa Jinan a PYD'ê Menal Mihemed ve hat nîqaşkirin.

Di panelê de hat diyarkirin ku ji bo çareserkirina pirsgirêka jinan divê bermahiyên şeran werin çareserkirin û aştiyeke mayinde were avakirin, ji bo wê jî xebata jinan û berfirehkirina birêxistinkirinê û amadekirina zemîneke qanûnî pêwîst e.

Menal Mihemed diyar kir ku projeya azadiya jinan a Rêber Abdullah Ocalan roleke mezin di rêya rizgariya jinan de lîst.

Rêvebera Nivîsgeha Jinan a PYD'ê ya kantonê Nede Mihêmid girîngî bi rizgarkirina jinan ji qeydên civakî û xurtkirina wan di aliyê îdeolojî de, da.

Piştre beşdaran nêrînên xwe li ser beşdariya jinan di hemû qadan de parve kirin.

(mh/şx)

ANHA