Li Tebqayê navendeke bazirganiyê hat vekirin

Bi sedan şêniyên bajarê Tebqayê û nûnerên Rêveberiya Sivîl a Demokratîk a Tebqayê, meclisên leşkerî û Partiya Sûriya Pêşerojê, tevgerên jin û ciwanan û komîteyên wan ji bo vekirina Navenda Tebqayê ya Bazirganiyê beşdar bûn.

Xebatên avakirina navendê 3 salan dom kir ku ew ji 28 holan, 80 dikanan, 6 kişk û 6 xwaringehan pêk tê.

Di serî de rêveberê navendê Mehmûd Kerîm bi navê şîrketa El Şemal wiha axivî: "Em gelekî kêfxweş in ku îro piştî 3 salan ji dayîna kedê vê serkeftinê bi we re parve dikin. Li pêşiya me gelek astengî û zehmetî derketin, lê belê li hember wan îsrara me xurt bû û me ev projeya herî mezin li ser asta herêmê pêk anî."

Kerîm spasiya karkerên ku di pêkanîna vê projeyê de roleke sereke lîstine kir û got: "Vekirina navendê di vê qonaxa girîng de gaveke erênî û pêşketî ye, her wiha herêmê xweştir dike û aboriya wê pêş dixe."

Her wiha, bi navê malbatên şehîdan, dayika şehîd Mihemed Ebdulqadir, Zehra El Ehmed vekirina navendê li şêniyên Tebqayê, karmend û karkerên projeyê pîroz kir.

Dayهka şehîd Elî Tebqa, Kewser Ebdulselam deriyê navendê vekir, piştre beşdar derbasî hundirî navendê bûn û li nav beşên wê geriyan.

(mh)

ANHA