Li Reqayê bîranîna şehîdan

Cangoriyên azadiyê yên mehên Îlon û Cotmehê bi merasîmekê li Reqayê hatin bibîranîn.

ROJANE

28 cotmeh, 2024 15:17

REQA

Meclisa Malbatên Şehîdan a Kantona Reqayê ji bo bîranîna şehîdên mehên Îlon û Cotmehê merasîmek li Navenda Çand û Hunerê ya li bajarê Reqayê li dar xist. Merasîm bi beşdariya malbatên şehîdan, fermandar û şervanên Meclisa Leşkerî ya Reqayê, endamên Meclisa Jinan a Sûriyeyê, Hêzên Ewlekariya Hundirîn, Kombûna Jinan a Zenûbiya, Melcisa Idlib El Xedra û PYDˈê hat lidarxistin.

Di merasîmê de cîgirê hevserokên Meclisa Rêveber a Kantona Reqayê Mihemed El Ehmed axivî û diyar kir ku şehîd sembola azadî û lehengiyê ne.

Hevseroka Meclisa Malbatên Şehîdan û Gaziyên Şer û Dîlgirtiyan Zehra El Yûsif şehîdên azadî û rûmetê bi bîr anîn û banga wefaderiya bi şehîdan re kir.

Zehra El Yûsif di dewama axaftina xwe de got: "Şehîd pêşengên me yên manewî ne û keleha parastina welat in. Rêber Abdullah Ocalan dibêje, mezinahiya mirovan ew e ku ji bo doza xwe tê bikoşîne û heya dilopa dawî ya xwînê li ber xwe bide."

Di dawiya merasîmê de mûm li ber wêneyên şehîdan hatin pêxistin û dirûşmên "Şehîd namirin" hatin berzkirin.

(bb)

ANHA