Li Pakrewangeha Şehîd Delîl Sarûxan xebata paqijkirinê

Meclisa Malbatên Şehîdan a Bajarê Qamişloyê bi beşdariya şêniyên herêmê, malbatên şehîdan, endamên saziyên civaka sivîl, partiyên siyasî, komîn û trafîkê xebateke paqijiyê li Pakrewangeha Şehîd Delîl Sarûxan pêk anîn.

Di vê çarçoveyê de derdora pakrewangehê û goran hatin paqijkirin û giyayên hişk hatin rakirin.

Dayîka Şehîd Casim, Fadiya Silêman got: “Ji bo paqijkirina pakrewangehê em vê sibehê hatin vekir. Karkerên ku 24 saetan pakrewangehê paqij dikin hene. Lê em wekî şênî û malbatên şehîdan xwest bi xwe derdora gorên zarokên xwe paqij bikin.”

Fadiya Silêman wiha anî ziman: “Pakrewangehên şehîdên me pîroz in.  Şehîdan ji bo me xwe feda kirin. Em ê vê xebata xwe bidomînin.”

Endamê Rêveberiya Partiya Yekitiya Demokratîk (PYD) ê Taxa Kornîş a Qamişloyê Sefwet Şahîn jî got: “Em jî weke PYD`ê beşdarî vê xebatê bûne. Em, malbatên şehîdan, partî, komîn û Rêveberiya Trafîkê yek in."

Sefwet Şahîn da zanîn paqijkirina pakrewangehê li hemberî berdêlên ku şehîdan dane pir kêm e û anî ziman ku parastina pîroziya pakrewangehê erka hemû kesan e.  

Ev xebat her 2-3 mehan hêla Meclisa Malbatên Şehîdan tê meşandin

(sb)

ANHA