Li Hesekê di her warî de serferberî

Li gel ragihandina seferberiya giştî li tevahî herêmê, li bajarê Hesekê yê kantona Cizîrê 4 firne 24 saetan dixebitin ku nan ji şêniyan re peyda bikin.

ROJANE

21 ÇILE, 2026 16:44

HESEKÊ

Li gel rewşa seferberiya giştî li bajarê Hesekê û herêmên kantona Cizîrê hewldanên sivîl û xizmetguzarî li kêlek rewşa seferberiya leşkerî û gel dewam dikin.

Hemwextî belavbûna hêzên ewlehî û Hêzên Parastina Civakê li taxan ji bo parastina bajêr û welatiyan saziyên xizmetguzariyê erkên xwe dewam dikin. Ev hevgirtina di navbera civakê û Rêveberiya Xweser de nîşan dide.

Girêdayî mijarê, endamê Rêveberiya Komîteya Firnan a bajarê Hesekê Cîhad Ezo da zanîn ku çi gotegotên der barê rawestandina firnan an jî xerabbûna wan de tu rastiya xwe nîn in, firne bi awayekî xwezayê û bi asteke bilind dixebitin.

Ezo anî ziman ku berê firnê tenê carekê di rojê de dixebitî, lê ji ber rewşên niha û seferberiya firne 24 saetan dixebitin ku nan kêm nebe û qerabalix li pêş firnan çênebe.

Ezo destnîşan kir ku 4 firnên giştî li bajarê hesekê bêyî rawestan dixebitin.

Nan bi rêya komînan tê belavkirin û şênî ji komînan nanê xwe werdigirin.

(fr)

ANHA