Li gel Hêzên Ewlekariyê bi dilxwazî gundên xwe diparêzin

Ji bo piştgiriya hewldanên Hêzên Ewlekariya Hundirîn, 150 ciwan ji başûrê bajarê Tirbespiyê bi dilxwazî tev li komên "xweparastinê" bûn.

CIVAK Û JIYAN

17 cotmeh, 2024 06:10

QAMIŞLO

EBBAS XELEF

Şêniyên gundên başûrê bajarê Tirbespiyê ji bo piştgiriya Hêzên Ewlekariya Hundirîn û Hêzên Parastina Civakî komên xweparastinê ava kirin. Ciwanên van gundan bi dilxwazî tev li xebatên xweparastinê dibin.

Piştî bûyerên diziyê û şêlandinê, şêniyên gundên bajarê Tirbespiyê bi vê însiyatîfê rabûn û komên xweparastinê ava kirin.

Beriya 15 rojan bi koordîneya Hêzên Ewlekariya Hundirîn ev kom hatin avakirin. Ev kom 30 gundan diparêzin. Di her komekê de 5 kes hehe.

Endamên koman bi derfetên xwe gundan êvarê diparêzin. Bi rêya înternetê xwe digihînin hev û bi Hêzên Ewlekariya Hundirîn re koordîne dikin.

Ciwanê ji gundê Sîhe Comerd Gurî ji ajansa me re axivî û got: "Li kêleka Hêzên Ewlekariya Hundirîn em rojane gundên xwe diparêzin. Ev erka her kesî ye."

Gurî wiha domand: "Em her tim amade ne û dema tevgereke bi guman hebe û di cihê pêwîst de em destwerdanê dikin."

(şx)

ANHA