Li Eyn Îsayê têkildarî pergala hevserokatiyê semîner

Kongra Star li bajarê Eyn Îsayê ji bo şîrovekirina pergala hevserokatiyê, girîng û rêbazên pêşxistina xebatê semînerek da.

24 tebax, 2025 14:45

EYN ÎSA

Bi amadebûna hevserokên sazî û rêveberiyên girêdayî Meclisa Bajarê Eyn Îsayê yên kantona Firatê, Kongra Star li hola semîneran semînerek da. Endama rêveber a Kongra Star Ruqeya Mihemed di semînerê de axivî û bal kişand ser girîngiya rola pergala hevserokatiyê ku yek ji pergalên rêveberî yên Rêveberiya Xweseriya Demokratîk e.

Ruqeya diyar kir ku pergalên hevserokatiyê yek ji pergalên rêveberiyê yên dûrî desthilatê û biryardana yekalî ye. Di wê pergalê de nêzîkatiyeke hevkar ji bo sazkirina pêdiviyên xizmetguzarî û îdarî yên ku sazî û rêveberî ji bo pêşdeçûna bidestxistina encamên baştirîn hewce ne, pêk tê.

Ruqeya diyar kir ku "Pêdiviya me di vê demê de ew e ku em baweriya xwe bi hevserokatiyê xurttir bikin û bi rêya hilbijartina endamên xwedî kapasîteyên baş, pisporiyên zanistî û dostane berpirsiyariyên xwe hilgirtin, da ku modeleke hêja di sazî û rêveberiya xwe de pêk bînin."

Ruqeya di dawiyêd e girîngî da berdewama xwepêşxistinê, neketina bin bandora rûtîn û bîroqratiya îdarî ku armancan pêşxistinê bin pê dike.

(fr)

ANHA