Konferansa Bijîşkî ya ji bo azadiya fîzîkî ya Rêber Abdullah Ocalan dest pê kir

Bi dirûşma "Tenduristî bingeha pêşketin û rizgariyê ye" Konferansa Yekitiyên Bijîşkî li Herêma Bakur û Rojhilatê Sûriyeyê ya ji bo azadiya fîzîkî ya Rêber Abdullah Ocalan li Zanîngeha Rojava ya Qamişloyê dest pê kir.

ROJANE

22 tebax, 2025 13:06

QAMIŞLO

Konferans , li Zagîngeha Rojava ya bajarê Qamişlo bi tevlêbûna nûnerên Yekitiyên Bijîşkî li Bakur û Rojhilatê Sûriyeyê, bijîşk, xebatkarên tenduristiyê, nûnerên saziyên tenduristiyê yên Rêveberiya Xweser û nûnerên Tevgera Civaka Demokratîk (TEV-DEM), tê lidarxistin.

Armanca konferansê ew e ku girîngiya tenduristiyê wekî bingeheke sereke ya pirsgirêkên civakî were gotûbêjkirin. Dê ramanên Rêber Abdullah Ocalan ên der barê azadiya laş û tenduristiya derûnî de, werin vegotin. Di konferansê de dê bandora pevçûn û Tundiyê li ser tenduristiyê were lêkolînkirin û dê bal bê kişandin ser rewşa tenduristiya Rêber Abdullah Ocalan û mafên wî yên mirovî û tenduristî.

Yekîtiyên bijîşkî yên tev li konferansê bûne dan zanîn ku armanca konferansê avakirina nêrîneke hevpar der barê girêdana di navbera tenduristî û rizgariyê de. Ji ber girîngîdayîna tenduristiya giştî û derûnî bingeha pêşxistina civakan û rizgariya wan e.

Biryar e ku konferans bi pêşniyar û plansaziyê bi dawî bibe.

(k)