Keştiyeke Hûsiyan hate hedefgirtin
CENTCOM`ê ragihand ku keştiyeke Hûsiyan li peravên Yemenê hedef girtiye.
Fermandariya Navendî ya Amerîkayê (CENTCOM) li ser hesabê xwe yê X’yê daxuyaniyek weşand û ragihand ku keştiyeke Hûsiyan li Yemenê rûxandiye.
Fermandariyê diyar kir ku duh piştî ku hatiye piştrastkirin “keştî li ser hêzên DYA û hevalbendan û keştiyên bazirganiyê yên li herêmê xetere ye”, hatiye tunekirin.
Dewletên Yekbûyî yên Amerîkayê (DYA) û Brîtanya hewl didin şiyanên koma Hûsiyan û êrişên wan kêm bikin, ji ber ku êrişî tevgera navîgasyonê û keştiyên bazirganiyê yên navneteweyî li Deryaya Sor û Kendava Edenê dikin.
Hûsî jî dibêjin ji bo piştgiriya Xezayê, ew keştiyên Îsraîlê yan jî şîrketên Îsraîlê yan jî keştiyên kel û pelan dibin Îsraîlê, dikin hedef.
(şx)
