Îsraîl plan dike sibe ji Lubnanê vekişe

Berpirsekî Îsraîlê aşkera kir ku artêşa Îsraîlê plan dike ku sibe ji Lubnanê vekişe.

17 sibat, 2025 18:17

NAVENDA NÛÇEYAN

Li gorî berpirsekî Îsraîlî ku navê xwe aşkera nekir, ji rojnameya " The Times of Israel" re, got Îsraîl plan dike ku sibe ji Lubnanê vekişe û ew vekişîn jî li gorî bendên agirbestê ye.

Berpirsê îsraîlî got, "Weke me gotiye, me berpirsekî mezin ê Hemas’ê li bajarê Seyda yê Lubnanê, ne li başûrê Lubnanê kuşt. Ji ber wê em ê di vê yekê de bi israr bin. Tiştê beriya 7’ê Cotmeyê de rû daye careke din rû nade û em ê êrişî her gefekê bikin û em ê teqez bikin ku Hizbullah ji sizayê nefilite û ji Îranê fînanseyê wernegire."

Tevî van îdiayan wezîrê Kar û Barên Stratejîk a Îsraîlê Ron Dermer di demeke berê de gotibû artêşa Îsraîlê wê di 5 nuqteyên stratejîk ên li başûrê Lubnanê de bimîne.

Li gorî naveroka agirbestê, agirbesta bi Hizbullah re didome, lê pêwîst e heta 18’ê Sibatê hêzên Îsraîlê vekişînê temam bike û Hizbullah Jî ji başûrê Lubnanê vekişe, lê tenê divê artêşa Lubnanê li wir hebe.

(fr)