IMOˊyê ji bo Tengava Hurmuzê daxwaza civîneke awarte kir

Rêxistina Navneteweyî ya Deryavaniyê (IMO) ragihand ku dê di 18 û 19ˊê Adarê de li baregeha xwe ya li Londonê, li ser daxwaza 6 ji 40 welatên endamên xwe; Keyaniya Yekbûyî(Brîtanya), Misr, Fransa, Mexrib, Qeter û Îmarat, civînek awarte were lidarxistin.

Ev gav di demekê de tê ku fikarên li ser astengkirina gengaz a dabînkirina enerjiya cîhanî zêde dibin, ku dikare bibe sedema bilindbûnek bilez a bihayên enerjiyê.

Tengava Hurmuz yek ji xalên herî girîng ên astengkirina deryayî ya cîhanê ye, ku bi qasî pêncemîn ji dabînkirina petrola xav a cîhanê ji wir derbas dibe. Lê, trafîka keştîvaniyê piştî êrişên "tolhildanê" yên Îranê yên ku keştî û welatên cîran ên li Kendavê hedef digirin, bi bandor hatiye astengkirin.

Di pêşketinên dawî de, îro li peravên Iraqê êrişek li dijî 2 tankerên petrolê pêk hat û herî kêm yek ji endamên tîman jiyana xwe ji dest da, di heman demê de ji ber parçeyên êrişê agir bi keştiyek barhilgir ket.

Der barê mijarê de Rêberê Bilind ê nû yê Îranê ferman dabû ku Tengava Hurmuzê girtî bimîne, di heman demê de serokê Dewletên Yekbûyî yên Amerîkayê (DYA) Donald Trump diyar kiribû ku rawestandina "împaratoriya şer" a Îranê ji bihayên petrolê girîngtir e.a

Aloziyên zêde yên îro bihayên petrolê yên ji bo her bermîlekî hişt ku 100 dolarî derbas bike û bazarên borsayê yên cîhanê zirarên mezin lê bûn.

(fr)