Dezgeha Dijî Terorê li Kerkukê çekên bermahiyên DAIŞ`ê desteser kir

Dezgeha Dijî Terorê li Parêzgeha Kerkukê, Herêma Kurdistanê, di hundirê veşartgehên çeteyên DAIŞ`ê de gelek çek û cebilxane desteser kir.

Dezgeha Dijî Terorê li Kerkukê çekên bermahiyên DAIŞ`ê desteser kir
22 mijdar, 2026   13:16
NAVENDA NÛÇEYAN

Li gorî Ajansa Nûçeyan a Roj, Xizmeta Dijî Terorê roja Yekşemê ragihand ku wan li Parêzgeha Kerkukê, Herêma Kurdistanê, operasyoneke lêgerînê ya 2 rojî pêk aniye, di encamê de gelek çek û cebilxane di hundirê veşartgehên çeteyên DAIŞ`ê de hatine desteserkirin.

Li gorî daxuyaniyê, operasyon li ser bingeha agahiyên îstîxbaratî yên rast hatiye kirin û hejmarek veşartgehên çeteyan li navçeya Altun Kuprî ya navçeya Dibis a li Parêzgeha Kerkukê hedef girtine.

Di daxuyaniyê de hat ragihandin ku di encama operasyonê de gelek çek û cebilxaneyên ku di hundirê van veşartgehan de veşartî bûn hatine dîtin û desteserkirin.

(k)

ANHA