Hûsiyan balafireke DYA’yê xist
Hûsiyan ragihand ku li parêzgeha Marebê ya li rojhilatê Yemenê droneke DYA’yê xistiye.
Berdevkê Koma Hûsiyan Yehya El Sereî bi daxuyaniyeke ku kenala El Mesîra ya girêdayî Hûsiyan weşandiye, got "Droneke Amerîkayê ya bi tîpa MQ-9 a li asîmanê parêzgeha Marebê kiryarên dijminane dikir, ji aliyê hêzên çekdar ên Yemenê ve hat xistin."
El Sereî da zanîn ev balafira 8’emîn e ku di pêvajoya şerên El Fetih El Mewûd û Cîhad El Muqedes ên bi armanca piştevaniya Xezayê de tê xistin.
Berdevkê Hûsiyan got "Hêzên Çekdar ên Yemenê li dijî êrişên DYA û Brîtanyayê kapasîteya parastinê pêş dixe."
(bb)
