Sala xwendinê ya 2024-2025`an li Herêma Bakur û Rojhilatê Sûriyeyê dest pê kir

Îro sala xwendinê ya 2024-2025`an li herêmên Bakur û Rojhilatê Sûriyeyê dest pê kir. Ji bo pêşwazîkirina şagirt û xwendekaran, dibistan hatin xemilandin û mamosteyan diyarî li zarokan belav kirin.

ROJANE

8 îlon, 2024 10:09

NAVENDA NÛÇEYAN

Sala xwendinê ya 2024-2025`an li herêmên Bakur û Rojhilatê Sûriyeyê dest pê kir. Di vê çarçoveyê de fêrgeh û deriyên dibistanan hatine vekirin, pirtûk bi rêbazekî xemilandî li şagirtan hatin belavkirin.

Desteya Perwerde û Fêrkirinê ya Herêma Bakur û Rojhilatê Sûriyeyê 1`ê Îlonê ragihand ku 8`ê Îlonê roja yekemîn a sala xwendinê ya 2024-2025`an e.

Li gorî daneyên Desteya Perwerde û Fêrkirinê li Bakur û Rojhilatê Sûriyeyê 4 hezar û 100 dibistan ji bo pêşwazîkirina 900 hezar şagirtên seretayî, navîn û amadehî hatine amadekirin.

Li gorî cîgirê hevserokatiya Desteya Perwerde û Fêrkirinê ya Herêma Bakur û Rojhilatê Sûriyeyê Azad Berazî ji bo perwerdekirina wan 50 hezar mamoste hatine amadekirin.

Li herêmên Bakur û Rojhilatê Sûriyeyê metaryalên Rêveberiya Xweseriya Demokratîk her pêkhateyek bi zimanê xwe têne dayîn.

Dewama werza yekemîn a sala xwendinê 2`yê Çileya 2025`an diqede. Werza duyemîn jî 15`ê Çileyê dest pê dike û 15`ê Gulanê diqede.

(şx)

ANHA

DÊRE ZOR

TEBQA

TIL TEMIR

HESEKÊ

QAMIŞLO

TIL BIRAK