Hîlala Zêrîn li Reqa û Tebqayê 4 hezar broşûr belav kirin

Tevgera Hîlala Zêrîn a Çanda Jinan ragihand ku wê di çarçoveya hewldanên bidestxistina azadiya fîzîkî ya Rêber Abdullah Ocalan de, 4 hezar broşûr li kantonên Reqa û Tebqayê belav kirine. Di broşûran de nameya Rêber Abdullah Ocalan a ji jinan re heye.

ROJANE

11 îlon, 2025 17:26

REQA

Tevgera Hîlala Zêrîn a Çanda Jinan li kantonên Reqa û Tebqayê 4 hezar broşûr belav kirin.

Tevgerê di çarçoveya bidestxistina azadiya fîzîkî ya Rêber Abdullah Ocalan, xurtkirina nirxên azadiyê û demokrasiyê, rola jinan a avakirina civakeke adil û azad de, dest bi belavkirina broşûran kiriye. Di borşûran nameya Rêber Abdullah Ocalan a ji jinan re şandiye, heye. Di wê nameyê de Rêber Abdullah Ocalan destnîşan dike ku “jin, bingeha avakirina civaka azad e û beyî rizgarkirna jinan ji koletiyê, sosyalîst û demokrasî bi dest nakeve” û gotina wî “ez bi we re jiyaneke efsanewî dijîm, ev rêgeza min a bingehîn e” heye.

Di 2 rojan de, endamên tevgerê broşûran li Şaredariya Gel, Dibistana Gerestêrka Zarokatiyê, Weqfa Jina Azad, Hêzên Ewlekariya Hundirîn, malbatên şehîdan û Navenda Çandî û li bajarê Reqayê li taxa El Neîm, kolana El Mensûr, kolana 23`yê Sibatê, kolana Qîtar û kolana Intîlaqê belav kirin.

Tevgerê armanc dike, li kantona Reqayê 2 hezar broşûr û li kantona Tebqayê 2 hezar broşûran belav bike.

(şx)

ANHA