Hebûna Rûsya ya li Sûriyeyê ji nû ve tê birêxistinkirin

Piştî mûzakereyên ku nêzî sal û nîvekê dewam kir, Rêveberiya Ragihandinê ya  Wezareta Karên Derve ya hikumeta veguhêz a Sûriyeyê têkildarî ji nû ve birêxistinkirina hebûna hêzên Rûsya li baregehên Rûsyayê yên li Himêmîm û Tertûsê yên li Sûriyeyê daxuyanî da.

Di daxuyaniyê hate gotin, her du aliyan li ser pêvajoya bê ya têkiliyên hevbeş û ji nû ve birêxistinkirina hebûna hêzên Rûsya li peravên Sûriyeyê gihaştin metnayê lihevkirinê.

Di daxuayniyê de hate diyarkirin ku li gorî metnayê lihevkirinê,  hebûna Rûsyayê li herêmê ji nû ve tê birêxistinkirin û hikumeta veguhêz dê tesîsên sivîl, di ser de baregehên Himêmîm, navenda bazirganiyê ya çaremîn a li bendera Tertûsê bi rêve dibe. Her wiha hatiye destnîşankirin ku ev tesîs dê gav bi gav bikeve nav pergala rêveberiya sivîl a Sûriyeyê.

Têkildarî baregeh û tesîsên leşkerî jî hate diyarkirin ku ev baregeh wê bibin navendên perwerde û rahîbîtasyonê yên hevbeş.

Wezaretê diyar kir ku armanca wan, parastina berjewendiyên hevbeş ên Sûriye û Rûsyayê ye, di heman demê de û ji nû ve diyarkirina xwezaya hebûna Rûsya û mîsyonên wê li perava Sûriyeyê ye.

Di metnê de, 3 meh ji bo temamkirina birêxistinkirina tesîs û baregehan hatine diyarkirin û piştre dê dest bi xebatê bikin.

(bb)