Festîvala Melodiyên Payîzê bi dawî bû
Festîvala Melodiyên Payîzê bi awaz û strana koma "Yekpar" bi dawî bû.
Navenda Yekpar a Çand û Hunerê di 20ˋê Mijdarê de li Navenda Mihemed Şêxo ya Çand û Hunerê ya Qamişlo Festîvala 3ˋyemîn a Melodiyên Payîzê li dar xist. Festîval ji bo geşepêdana behreyên zarokan û pêşkêşkirina piştgiriya derûnî û civakî hat organîzekirin.
Bi beşdariya şênî, endamên saziyên sivîl, Desteya Çandê ya Rêveberiya Xweseriya Demokratîk a kantona Cizîrê, hezvanên mûzîkê û çandê çalakiyên îro yên festîvalê bi dawî bûn.
Di roja dawî ya festîvalê de koma Yekpar komek stran pêşkêş kirin. Her wiha Rêveberiya Navenda Mihemed Şêxo ya Çand û Hunerê ku 3 rojan girse pêşwaz kiriye, hat xelatkirin.
Di dirêjahiya 3 rojan a festîvalê de şano, wêje, helbest û pêşangeheke zarokan bi 56 tabloyan, stranên folklorîk ên Kurdî hatin pêşkêşkirin.
(fr)
ANHA
