Di roja 5’an a Hefteya Wêjeyî de "Rexneya Akademîk û rexneya gelêrî"

Di çarçoveya roja 5'emîn a Hefteya Wêjeyî ya li bajarê Hesekê yê kantona Cizîrê de semînerek li ser têkiliya di navbera rexneya akademîk û rexneya gelêrî hat dayîn.

Semîner bi navê "Xalên hevbeş di navbera rexneya akademîk û rexneya gelêrî de" ji aliyê gotûbêjer Ebdilwehab Pîranî ve hat dayîn.

Pîranî bal kişand ser xalên lihevkirin û cudahiyê di navbera her du dibistanên rexneyî de û girîngî da têkilbûna di navbera wan de ji bo pêkanîna hevsengiyekê di dîmena çandî de.

Pîranî got: "Rexneya wêjeyî weke alaveke çandî û fikrî ji bo têgihîştina deqan, analîzkirin û nirxandina wan e. Armanc jî vedîtina xweşikbûna hunerî, nîşaneyên manewî û hemwelatîbûna hêz û lawaz di xebatên afirîneriyê de ye. Ew yek jî bi rêya xwendina ku deqê bi awayekî zimanî, civakî û çandî bi hev ve girê bide, ye."

Pîranî wiha domand: "Rexneya gelêrî jî yek ji şaxên rexneya wêjeyî ye ku girîngiyê dide analîzkirin û nirxandina wêjeya gelêrî, wek helbesta gelêrî, çîrokên mîrasî û hunerên derbirînê yên di navbera mirovan de.  Rexneya akademîk jî ku şêweyeke sîstematîk û saziyane ye di çarçoveya teorîkeke tund de tê bikaranîn û ew xwe dispêre nêzîkatiyên taybetî yên wekî strukturalîzm(binyatgerî) û rexneya çandî, û bi rastbûn û objektîfbûnê tê nîşandan. Ji ber ku ew pir caran di çarçoveyên lêkolîn û zanîngehê de tê hilberandin ku têgihîştinek zanistî û sîstematîk a metnan peyda bike."

Piştî semînerê beşdaran nêrînên xwe li ser mijarê parve kirin. Piştre helbestên bi zimanê Kurdî û Erebî ji aliyê Diyala Elî, Ridwan Yûsif, Merwan Şêxî û Seîd El Serac ve hatin xwendin.

Sibe roja dawîn a Hefteya Wêjeyî ye û wê semînerek bi navê "Pirsên di rexneya wêjeyî de" bê dayîn.

(mh/fr)

ANHA