Di êrişa Îsraîlê de 3 leşkerên UNIFIL birîndar bûn
Di bombebarana Îsraîlê ya li ser başûrê Lubnanê de kesek hate kuştin û yek din birîndar bû. Di êrişên din de jî 3 endamên hêzên UNIFIL`ê birînda bûn.
![Di êrişa Îsraîlê de 3 leşkerên UNIFIL birîndar bûn](https://hawarnews.com/kr/uploads/images/202408/image_870x_66c1eeb96c0f0.jpg)
Wezareta Tenduristiyê ya Lubnanê ragihand ku di bombebarana Îsraîlê ya li dijî gundê Şeba yê eyaleta Hesbeya ya başûrê Lubnanê de, kesek hatiye kuştin û yek din birîndar bûye. Wezaretê diyar kir ku di bombebaraneke din a li dosa Barîn li başûrê Lubnanê de 3 endamên UNIFIL`ê birîndar bûne.
Navenda xebatên tenduristiyê yên bingehîn a Wezareta Tenduristiyê ya Lubnanê, daxuyaniyek dabû. Di daxuyaniyê de ragihandibû ku Îsraîlê motorsîklêtek li Şebayê bombebaran kiriye û di encamê de welatiyek hatiye kuştin û kesek din birîndar bûye.
Wezaretê da zanîn ku Îsraîlê malek li Şebayê bombebaran kir û di encamê de 2 welatî birîndar bûne.
Hêzên Parastina Aştiyê yên Neteweyên Yekbûyî (UNIFIL) jî ragihand ku leşkerên wê vê sibê dema dewriyeyê li derdora devera Yarîn a başûrê Lubnanê digerandin, teqîneke li nêzî erebeyan wan çêbû û got, di encama teqînê de 3 lekerên wê bi sivikî birîndar bûn.
UNIFIL`ê da zanîn ku tevahî leşkerên dewriyeyê bi silametî vegeriyan baregeha xwe û der barê teqînê de lêkolîn daye destpêkirin.
(şx)