CENTCOM diyalogeke ewlehî herêmê bi 12 dewletan re pêk anî

Fermandariya Navendî ya Amerîkayê li Behrênê bi beşdariya 12 dewletan diyalogeke ewlehî li dar xist. Çêkirina şaneyeke herêmî ji bo parastina hewayî û pêşxistina ewlehiya Tengava Hurmizê ragihand.

1 tîrmeh, 2026 23:39

NAVENDA NÛÇEYAN

Fermandariya Navendî ya Amerîkayê (CENTCOM) ragihand ku li Behrên bi beşdariya fermandarên leşkerî yên 12 dewletan wan ji bo nîqaşkirina ser pêşketinên ewlehiyê û rêyên ji bo pêşxistina hevkariya parasvaniyê li herêmê, diyalogeke ewlehî herêmî li dar xist.

Di daxuyaniya CENTCOM wiha hat gotin: “Lîderê Fermandariya Navendî ya Amerîkayê Eledmîral Brad Kubir û berpirsyarên leşkerî yên ji Behrên, Misir, Urdin, Kiwêt, Lubnan, Eman, Qeter, Siûdiyê, Sûriyeyê, Îmarat û Yemen rewşa ewlehî ya herêmî ya heyî nîqaş kirin. Fermandaran ji bo misogerkirina bazirganiyê bi rêya Tengava Hurmizê de berspirsyartiya xwe ya hevbeş nîşan dan.”

CENTCOM di daxuyaniya xwe ya ku bi rêya “X” daye, diyar kir ku di civînê de ji bo pêşxistina bersivdana rewşên awarte, danûstendina agahiyên girêdayî şantajan wan çêkirina şaneyeke nû ji bo parastina hewayî ya li Rojhilata Navîn eşkere kir.

(sb)