Bi hatina biharê re durûtina cilên Kurdî

Li gel zêdebûna daxwazên jin, mêr û zarokan li ser kirîna qumaşên durûtina cilên Kurdî, durûnkar û werşeyên durûtîna cilên Kurdî bi saetên dirêj li ser karên xwe ne, da ku daxwazên şêniyan ên durûtînê pêk bînin.

Durûnkar Şehnaz Dawûd (50 ) a ji Amûdê ku 29 sale  vê kare dike li ser mijarê wiha got: "Bi hatina biharê daxwazên cilên Kurdî zêde dibin. Ji ber ku tê de gelek bone hene û dewat jî çêdibin. Her wiha gelek model û cureyên qumaşan hene."

Cilûbergê jina kurd ji "kras û palpiştan" pêk tê, ew cil û bergeke dirêj e bi milên dirêj ve girêdayî bi du dûvikên konik dirêj ve girêdayî ye, ji qumaşê pir zelal û bi têlên hevrîşimî ku li ber destan nerm in û bi cûrbecûr mînyaturan hatine xemilandin. Jina kurd di binê cilê xwe de kirasekî zirav û spî li xwe dike, bi rengê tarî û nezelal, an jî kras û elbik, ji çakêtekî kurt û bê mil, ku ji qumaşekî taybet hatiye dirûtin, bi tevahî bi mînyatur û bibiriqan hatiye dirûtin li xwe dike.

Cilûbergê mêran ji şerwalan, şûtikê bi rengê sivik û dibe ku nexişandî be, pêk tê.

Li gorî cure, durûtin û qumaşan biha tê guhartin, hina caran durûtin digihîne 100 dolarî.

Li aliyekî din jî durûnkar Ridwan Xelîl  ku ji 44 salan ve di vî pîşeyê de dixebite û li Qamişloyê kargeheke wî ya durûtinê heye got ji ber desthilatê ewlehî ya li dijî gelê Kurd hatiye bikaranîn û nehiştina lixwekirina cilên Kurdî, piştî şoreşê gel bi awayekî zêde cilên klasîk li xwe dikin.

Xelîl anî ziman ku ji ber êrişên dewleta Tirk a dagirker ên li ser herêmê îsal durûtîna cilan pir kêm e û wiha domand: "Di encama topbaran û bombebarana binesaziyên herêmê ku krîzeke debarê çêkir, durûtina cilan ji hêla gel ve pir kêm e."

Li Herêma Bakur û Rojhilatê Sûriyeyê salane pîrozbahiyên mezin li dar dikevin; 8ˊê Adarê, cejna Newrozê. Di wan pîrozbahiyan de gel bi cilên xwe yên klasîk beşdar dibin.

Mîhrîcana Jin a Huner û Wêjeyê ya salane li Qamişloyê di 1ˊê Adarê de li dar dikeve, îsal mîhrîcan bi pêşkêşkirina cilên klasîk ên gelê Bakur û Rojhilatê Sûriyeyê hat lidarixistin. Di mîhrîcanê de mêr, jin û zarok ji tevahî pêkhateyên herêmê bi cilên xwe beşdar bûn.

(fr)

ANHA