Amadekariyên Festîvala Şanoyê ya Zarokan didomin

Tevgera Çand û Hunerê bi bi piştgiriya Şano Çiya û Hîlala Zêrîn amadekariyên xwe ji bo Festîvala Zarhunera Havînê ya Sêyemîn dikin. Îsal dê bi navê ‘Festîvala Şanoyê ya Zarokan’ li Qamişlo û Kobanê pêk bê.

8 hezîran, 2026 06:15

QAMIŞLO

Tevgera Çand û Hunerê bi bi piştgiriya Şano Çiya û Hîlala Zêrîn amadekariyên Festîvala Zarhunera Havînê ya Sêyemîn a zarokan dikin. Dê îsal bi navê ‘Festîvala Şanoyê ya Zarokan’ pêk bê û 8 komên şanoyê beşdarî festîvalê bibin.

Festîval di salên borî de li Rimêlan, Dêrik, Qamişlo, Hesekê, Kobanê û Şehbayê hat lidarxistin.

Îsal jî dê 15 û 16’ê Hezîranê de li Kobanê û Qamişloyê bê lidarxistin. 8 komên zarokan dê beşdar bibin. Her komek ji 12-13 zarokan pêk tê û temenê wan di navbera 11-16 saliyê de ye. Zarok niha hefteyê du caran provayên xwe dikin û ji bo festîvalê amedekariyan dikin.

Hevseroka Tevgera Çand û Hunera Demokratîk a Mezepotamyayê (TEV-ÇAND) Sumeye Mihemed diyar kir ku ji bo zarok di havînê de dema xwe baş binirxînin û çanda xwe nas bikin, ew xebatên çandî yên wiha dimeşînin.

(fk)

ANHA