Weqfa Al El Beyt: Divê dewletên misilmanan li dijî êrişan rabin
Weqfa Al El Beyt a Tebqayê diyar kir ku êrişên dewleta Tirk a dagirker rêgezên olî binpê dikin û bang li saziyên olî yên li Tirkiyeyê û dewletên misilmanan kir ku li dijî sûcên dewleta Tirk rabin.
Weqfa Al El Beyt a Tebqayê der barê êrişên dewleta Tirk a dagirker ên li dijî Bakur û Rojhilatê Sûriyeyê de daxuyaniyek da.
Li pêş avahiya Rêveberiya Sivîl a Demokratîk a Tebqayê bi beşdariya nûnerên Rêveberiya Sivîl, saziyên olî, partiyên siyasî û Meclisa Kombûna Jinan a Zenûbiya daxuyanî ji hêla serokê Weqfa Al El Beyt Ednan El Ilêwî ve hate xwendin.
Di daxuyaniyê de hate gotin êrişên dewleta Tirk a dagirker ên dawîn ber bi aliyekî xeternak ve diçin û êriş rêgezên îslamî binpê dikin. Her wiha hate gotin êriş bandorê li ewlehî û aştiyê dikin.
Di dawiyê de bang li saziyên olî yên li Tirkiyeyê û dewletên misilmanan hate kirin ku li dijî zilmê û sûcên dewleta Tirk bisekinin.
(fr)
ANHA
