Yekitiya Karkeran êrişên dagirkeriyê şermezar kirin
Yekitiya Karkeran êrişên dewleta Tirk a dagirker şermezar kirin û bang li karkerên cîhanê kir ku çalakiyan ji bo piştgiriya Bakur û Rojhilatê Sûriyeyê li dar bixin.
![Yekitiya Karkeran êrişên dagirkeriyê şermezar kirin](https://hawarnews.com/kr/uploads/images/202310/111534_094403_byan-28229.jpg)
Yekitiya Karkeran a Bakur û Rojhilatê Sûriyeyê bi beşdariya bi dehan endamên xwe li pêş navenda xwe ya li sûka navendî ya Qamişloyê der barê êrişên dewleta Tirk a dagirker de daxuyaniyek da. Hevserokê yekitiyê Şêro Şero daxuyanî xwend.
Di daxuyaniyê de hate gotin ji 4′ê Cotmehê ve dewleta Tirk a dagirker êrişeke hewayî û bejahî ya dijminane li dijî Bakur û Rojhilatê Sûriyeyê pêk tîne û ev ne cara yekemîn e ku dagirkerî van êrişan pêk tîne.
Yekitiyê di daxuyaniya xwe de destnîşan kir ku dagirkeriyê vê care binesaziya stasyonên kehrebe, avê û avahiyên enerjiyê kirin hedef û bi dehan welatî û karkerên li wan avahiyan dixebitîn, şehîd xistin. Her wiha bi dehan endamên Hêzên Ewlekariya Hundirîn ên parastina xak û xelkê xwe dikin, şehîd xistin.
Di daxuyaniyê de hate diyarkirin ku karker û kedkarên Bakur û Rojhilatê Sûriyeyê bi malbatên şehîdan û hêzên xwe yên leşkerî re ne û van êrişên hovane şermezar dikin û bang li civata navneteweyî dikin ku yekser van êrişên dermirovî asteng bikin.
Yekitiyê di daxuyaniya xwe de bang li sandîqên karker û kedkaran ên cîhanê kir ku dakevin qadan û li kêlek şoreşa gel bisekinin û van sûcên hovane yên dewleta Tirk a dagirker şermezar bikin.
Daxuyanî bi dirûşman bi dawî bû.
(fr)
ANHA