Di teqîneke Pakistanê de hejmara miriyan 50’î derbas kir
Di êrişa xwekujiyê ya li eyaleta Belûcistan a Pakistanê ya li nêzî mizgeftekê pêk hatî de, hejmara kesên jiyana xwe ji dest dane ji 50’î derbas kir.
Rayedarên tenduristiyê û polîsan ragihand ku roja Îniyê li eyaleta Belûcistan a li başûrê rojavayê Pakistanê, mirov ji ber qendîlê li ber mizgeftê kom bûn û di wê navberê de teqînek pêk hat.
Mirovên ku ji bo pîrozkirina roja jidayikbûna Pêxemberê Îslamê H.z Mûhammed hatin ba hev, di êrişê de hatin hedefgirtin. Li gorî çavkaniyên tenduristî û polîsan herî kêm 52 kesan jiyana xwe ji dest dan û zêdeyî 60 kesan jî birîndar bûn.
Alîkarê Mufetîşê Giştî yê Polîsan Mûnîr Ahmed daxuyanî da Reûtersê û diyar kir ku bombeya zindî bombeyên li nêzî wesayîta alîkarê mufetîş teqandine.
Hîna ti kesê ev êrişa ku li nêzî mizgefta li Mastûngê pêk hatî, ne girtiye ser xwe.
Tehrîk-e Taliban Pakistan (Tevgera Talîban Pakistan – TTP) ku ji gelek komên Sunnî pêk tê, ragihand ku ti eleqeya wan bi êrişê re tune ye.
