Li peravên Bulgaristanê keştiyek ji ber êrişa dronan noq bû

Li peravên Bulgaristanê li Deryaya Reş keştiyek barhilgir ji hêla 2 dronan ve hat hedefgirtin û noq bû û 12 endamên tîma wê hatin rizgarkirin.

Li peravên Bulgaristanê keştiyek ji ber êrişa dronan noq bû
16 mijdar, 2026   21:04
NAVENDA NÛÇEYAN

Li gorî yek ji endamên tîmê yên rizgarkirî, 2 dronan êrişî keştiya barhilgir a bi ala Somaliyê "Batoul 8" li peravên Bulgaristanê li Deryaya Reş kir û noqî avê bû.

Wezareta Veguhestinê ya Bulgaristanê ragihand ku her 12 deryavan hatine rizgarkirin û tu kes birîndar nebû. Keştiyê genim ji Romanyayê ber bi Misrê ve dibir û li herêma aborî ya taybet a Bulgaristanê rastî êrişê hat.

Ev bûyer ligel zêdebûna êrişên li ser keştiyên bazirganî li Deryaya Reş pêk tê. Li gorî rayedarên Romanyayê, di 2 rojên borî de 3 keştiyên din jî li peravên Romanyayê bûne hedef. 

(f)