Cenazeyê şehîd Dilşêr Dirbêsiyê hat veşartin

Şervanê Hêzên Sûriyeya Demokratîk (QSD) Elî El Casim (Dilşêr Dirbêsiyê) 15′ê Îlonê dema erka xwe bi cih dianî  li navçeya Til Temirê şehîd bû.

Bi dehan şêniyên navçeya Dirbêsiyê cenazeyê  şehîd Dilşêr Dirbêsiyê  ji pêşiya avahiya Meclisa Malbatên Şehîdan a navçeyê wergirt û bi karwanekî erebeyan ber bi Goristana Şehîd Rustem Cûdî ya li gundê Berkevirê ve çûn.

Li goristanê merasîmek hat lidarxistin. Bi navê Meclisa Malbatên Şehîdan a navçeya Dirbêsiyê endamê meclisê Salim El Salim anî ziman ku  şehadet dilsozî û fedakarî ye û şehîd Dilşêr ji bo hemû pêkhateyên Bakur û Rojhilatê Sûriyeyê canê xwe feda kir.

El Salim sersaxî da malbata şehîd û soza şopandina rêya şehîdan da.

Ji  fermandarên Meclisa Leşkerî ya Dirbêsiyê Umran Orkêş jî axivî û soza şopandina xeta şehîdan û parastina destkeftiyên şoreşê da.

Orkêş wiha zêde kir: "Kes nikare îradeya me têk bibe û parastina hemû pêkhateyên Bakur û Rojhilatê Sûriyeyê erka me ye."

Piştr, endama Meclisa Malbatên Şehîdan Îman Dadûş wesîqeya şehadetê ya Dilşêr Dirbêsiyê xwend û radestî malbata wî şehîd kir.

Cenazeyê şehîd bi tilîliyên dayikan û siloganên "Şehîd namirin" hat veşartin.

(mh/bb)

ANHA