PYD′ê di salvegera xwe ya 20′an de daxuyaniyek da

20′ê Îlonê salvegera damezirandina Partiya Yekitiya Demokratîk (PYD) a ku di 2003′yan de hate damezirandin. Bi vê boneyê Meclisa Giştî ya PYD′ê daxuyaniyek da.

Di daxuyaniyê de wiha tê gotin:

“20′ê Îlonê salvegera damezirandina PYD′ê ye, em hemû şehîdên azadî û rûmetê bi bîr tînin û bi vê boneyê malbatên şehîdan û gelê me bi tevahiya pêkhateyên xwe yên ku rêya berxwedan û têkoşînê pejirand, heta pêkanîna azadî û edaletê pîroz dikin.

Di van rojan de berî 20 salan û di şert û mercên cuda de li ser herêmê û cîhanê, hîn jî em encamên wê qonaxê jiyan dikin, partiya me hat damezirandin û komek ji fikir û prensîbên li gorî şêwaz û stratejiya ku hemûyan tekez dike, ragihand û ji berdewamiyên neteweyî û demokrasî û dozên azadiya jinan û gelê herêmê derdikeve û îradeya wê îcbar kir, di rêya ferzkirina şêwazê netewedewletê ya navendî ku herêm parçekirin bi awayekî ku dijberiya îradeya gelan bike û mafên wê yê dîrokî di destpêka van dozan de doza kurdî ku çareseriya wê bûye mijareke pêwîst û yek ji nexşeyên herî girîng e di qonaxa heyî de, bi tevahiya şert û mercên objektîf û xweser de tekezî bi rola xwe dike ku çareseriya doza kurdî li gorî têgeha neteweya demokratîk tê wateya xurtkirina ewlehî û aramiya herêmê û aştiya wê. Di encama stratejiya partiya me de, partiya me rastî komek ji siyasetên dijber hat bi hevkariya hevbeş di nava komên neteweperest ên paşverû û pergalên zordar ên navendî ya ku dixwest partiya me ji holê rake, ji destpêka damezirandina wê ku bi sedan ji endamên partiyê xistin nava zindanan û rastî îşkence û tundiyê hatin û gelek jê gihaştin asta şehadetê. Di destpêkê de şehîd Şîlan û hevrêyên wê û heta gihaşt Ehmed Hisên, Osman Dadalî, Îsa Hiso û Xalid Kutê û yên din. Ev hemû hat veghurandin û bûn sedem ji bo berdewamkirina têkoşînê û qebûlkirina çareseriyên siyasî ya ku bingeheke zexm ava dike ji bo biratiya gelan û yekbûna çarenûsê û prensîba jiyana hevbeş. Li ser esasê van berdewamî û stratejiyên têkoşînê partiya me bi xeta sêyemîn di aloziya Sûriyeyê de pabend bû û bi rola xwe ya pêşeng lîst. Bi hêz û partiyên ji pêkhateyên Bakur û Rojhilatê Sûriyeyê di damezirandina Rêveberiya Xweseriya Demokratîk de li gorî peymana civakî ku îradeya hemû pêkhateyên Bakur û Rojhilatê Sûriyeyê destnîşan dike. Ji destpêkê rastiya parastina rewa û mafê gelê şoreşger, rêxistina civakê û sazbûna wê ber bi rêya civakeke exlaqî û siyasî bi pêşengiya jina azad û ciwanên şoreşger.

Partiya me ji destpêka damezirandina wê tê dikoşe, ji bo birêxistinkirina gel û civakê û bidestxistina civakeke exlaqî û siyasî û pêşxistina siyaseta demokratîk û pêkanîna pergaleke nenavendî û demokratîk li Sûriyeyê û xurtkirin û pêşxistina pergala hevserokatiya hevbeş û nûnertiya adilane ji bo jinan di tevahiya waran de. Her wiha tekez dike li ser divêtiya xurtkirina parastinê û parastina rewa xebat bê kirin, ji bo rizgarkirina herêmên dagirkirî û her tiştê pêwîst ji bo xurtkirina eniya hundirîn li hember hedefgirtinên li dijî destkeftiyên Şoreşa 1’9ê Tîrmehê û nimûneya çareserkirina demokratîk.

Em di salvegera damezirandinê de tekez dikin ku dirûşma ‘Jin, Jiyan, Azadî’ dê bibe kilîta çareseriya aloziya ku cîhan tê re derbas dibe û pergala hegemonîk bi cudahiya şêwaz û encamên xwe, ne tenê herêma Rojhilata Navîn. Her wiha em tekez dikin ku bidawîkirina tecrîda li ser rêber Ocalan feylesofê neteweya demokratîk û pêkanîna azadiya fîzîkî erkeke exlaqî û nîştimanî ye li ser partiya me û yek ji girîngtirîn xebatên me ye di vê qonaxa hesas de.

Dîsa em tekez dikin ku tevgera şoreşgerî ya Sûriyeyê ku di Adara 2011’an dest pê kir, adilane bû û ji mafê gelê Sûriyeyê ye ku guhertina demokgratîk pêk bê û çareseriya aloziya Sûriyeyê dê li ser rêya siyasî ya li gorî biryara 2254’an û ji vir ve em tekez dikin ku diyaloga sûrî-sûrî û bi pêşengiya Sûriyeyê serkeftin jê re tê nivîsandin. Dema ku temsîla pêkhateyên Sûriyeyê dikin û tu beş jê neyê dûrxistin û di destpêka wan de hêz û pêkhateyên Rêveberiya Xweser a Bakur û Rojhilatê Sûriyeyê ya ku îsbat kir û her dem îsbat dike ku tu bedeîl tune ye ji bilî biratiya gelan û xebat bê kirin li ser xurtkirina stratejiya dîrokî ya têkiliyên kurdî û erebî û tevahiya pêkhateyên Sûriyeyê û herêmê.

Careke din em gelê xwe û endamên partiya xwe û alîgirên wê pîroz dikin bi boneya salvegera 20’emîn a damezirandina partiya me û destnîşan dikin ku em tu carî li ser rêya şehîdan venagerin. Û soza me ye ku rêya têkoşînê berdewam bikin heta bidestxistina armanc û nirxên hêja yên ku ji bo wê gihaştin asta şehadetê.”