′Aliyên dijber mîrateya eşîrtiyê ji bo derxistina fitneyan bi kar tînin′

Şêx û rûspiyên eşîrên bajar û gundewarê Minbicê li qada avahiya Rêveberiya Sivîl a li bajar hatin gel hev û daxuyanî da.

Rûspiyê eşîra Bobena, Xalid El Ecûr daxuyanî xwend û got: "Di demekê de ku dewleta Tirk a dagirker hewl dide bi rê û rêbazên cuda ewlehî û aramiya herêmê têk bibe û fitneyan di navbera pêkhateyên Bakur û Rojhilatê Sûriyeyê de derxe, çeteyên wê êrişî eniyên şer ên li aliyê rojava, bakur û bakurê rojavayê bajar kirin. Bi van êrişan xwestin hinek nuqteyan kontrol bikin da ku bikin destpêka hewldanên xwe yên derxistina tevliheviyê li ser xak û civaka me."

Di daxuyaniyê de îşaret bi berxwedana yekîneyên parastinê yên li hemberî êrişên çeteyên dewleta Tirk a dagirker û wiha hat domand: "Hêzên me yên leşkerî bi israreke xurt bersiva êrişan dan. Lê hinek dixwazin bi hestên eşîrtiyê bilîzin û ji bo xizmeta berjewendiyên xwe yên teng fitneyê di navbera pêkhateyên Bakur û Rojhilatê Sûriyeyê de derxin. Ev alî xwe spartina ajnîdeyên derve yên ku dixwazin welatê me û gelê me têk bibin. Em eşîrên Minbic û gundewarê wê çi kesên ku hewl didin eşîran bi kar bînin red dikin ji ber ku eşîr benda ewlehiyê ya parastina welatê me ne."

Şêx û rûspiyên eşîrên kantona Girê Spî jî bi daxuyaniyekê texrîbat û fitneyan li Dêrazorê şermezar kirin û bang li eşîrên li Dêrazorê kirin ku ji fitneyan hişyar bin ku ′′Dewletên dijber û çavbiriyên xêr û bêra herêmê me dixwazin pêk bînin.′′

Rûspiyan operasyona QSD′ê ya li dijî xerabkar û şaneyên çeteyên DAIŞ′ê silav kir û gotin, li hemberî dewletên ku dixwazin xaka Sûriyeyê dagir bikin dê bi QSD′ê re bisekinin.

(bb)

ANHA